क्रांतिकेतू रासबिहारी बोस

क्रांतिकेतू रासबिहारी बोस
जन्म :- २५ मे १८८६, पालाटबिधानी
निधन :- २१ जानेवारी १९४५, टोकियो

२३ डिसेंबर १९१२ ला दिल्लीच्या नवीन राजधानीत हत्तीवरून दिमाखाने प्रवेश करणारे व्हाईसरॉय लॉर्ड हार्डिंग यांच्यावर बॉम्ब फेकण्याचा अभूतपूर्व पराक्रम करणारे महानायक म्हणजे राश बिहारी बोस.

रासबिहारी विनोदबिहारी बोस. हे बंगालच्या भद्र समाजातील सुपूत्र. फॉरेस्ट रिसर्च इन्स्टिट्यूट, डेहराडून येथील हेडक्लार्क रासबिहारी सर्व हिंदुस्थानात क्रांतिकार्याचे जाळे विणू लागले. ब्रिटिशांची गुप्त पोलिसी प्रबळ संघटना ही फक्त या एकाच क्रांतिकारकास पकडू शकली नाही. जपानमध्ये असतानाही त्यांच्यावर १९१५ साली पकडवॉरंट जारी करण्यात आले. परंतु जपान सरकारही त्यांना पकडू शकले नाही.